Kataluniako buruzagiek jasotako epaiaren aurka agertu dira herritarrak
'Herriari galdetzea ez da delitua' lelopean hamarnaka lagunek bat egin zuten San Pedro kalean; Hondarribiko aireportuan eragina izan zuten Kataluniako protestek.
2016. urtean Kataluniako erreferenduma antolatzeagatik bederatzi eta hamahiru urte arteko zigorra jaso duten buruzagi independentisten egoera salatu zuten atzo iluntzean, Hondarribian. Herriari galdetzea ez da delitua lemapean, elkartasuna adierazi eta epaia salatu zuten hamarnaka herritarrek, San Pedro kalean. Ozen entzunarazi nahi izan zuten euren desadostasuna eta horregatik, protesta zaratatsua egin zuten atzokoan. 80 bat lagun elkartu ziren Hondarribiko EH Bilduk egindako deialdian. Abotsanitzen udal taldeak ere protestan parte hartzera deitu zituen herritarrak.
Hondarribiko aireportuko erabiltzaileek bestalde, Kataluniako protesten ondorioak pairatu zituzten. Izan ere, Hondarribia eta Bartzelona arteko bi hegaldi bertan behera gelditu ziren eta beste bat atzeratu behar izan zuten.
