OarsoBidasoko enpresa ertain eta txikiek Hazinnova zerbitzua ezagutu dute
Oarsoaldea eta Bidasoko ETEei berrikuntzaren mundua gerturatu diete gaur Ficoban egin duten jardunaldian.
Orotara, 19 enpresa ertain eta txikik hartu dute parte jardunaldian. Ficoba erakustazokak Hazinnova zerbitzuaren aurkezpena jaso du gaur, Eskualdez eskualde izeneko jardunaldi berezian. Bidasoa Bizirik eta Oarsoaldea garapen agentziek antolatutako jardunaldian bi eskualdetako enpresei zuzendutako saioa eskaini dute. Helburua: berrikuntza enpresa txikiei gerturatzea, hori baita Hazinnovak eskaintzen duen zerbitzua.
Aurkezpenean SPRI, Innobasque, Bidasoa Bizirik eta zenbait enpresetako zuzendaritzako kideak izan dira. Orotara, 19 enpresa ertain eta txikik hartu dute parte jardunaldian. “Euskal ETEei eskura jartzea lana antolatzeko modu berriztatzaileak eta produktu zein zerbitzuak merkaturatzeko molde berriak baliatzeko aukera ematea”, xede horrekin ekin diote gaurko saioari. Hala, enpresa bakoitzaren beharretara egokitutako proiektuak landu dituzte, banan-banan.
Gipuzkoako beste herri ugaritan aurkeztu ostean, Azpeitian (hilaren 9an) eta Eibarren (hilaren 18an) izango direla zehaztu dute.
