Bizifesta jaialdiak Behobia hartuko du igandean
Mugikortasun eraginkorraren aldeko jaialdirako dozenaka ekitaldi prestatu dituzte, adin tarte guztiei begirakoak.
Behobian izango du helmuga Bizifestak. Bizikletaz beteko dute datorren igandean (hilak 22) Behobia auzoa. Izan ere, mugaz gaindiko Bizifesta Ederbidea jaialdia egingo dute. Mugikortasun eraginkorra sustatzeko jaialdia izango da, eta animazioak, musika, tailerrak, zirkua, eskolak eta beste ekitaldi ugari prestatu dituzte; adin tarte guztiei begirako egitaraua eskainiko dute.
Jardunaldia bizikleta martxa batekin hasiko dute (Beratik irtengo dira, 10:00etan), Behobiara iritsi arte. Era berean, 11:00etan Zabaltza plazatik beste martxa bat aterako da, eta besteak bezalaxe, Behobian izango du helmuga.
Honakoa da igandeko egitaraua:
- 10:00: Bera-Bizifesta bizikleta martxa. Izen emateak, hemen.
- 11:00: Irun-Bizifesta bizikleta martxa (Zabaltza plazatik).
- 12:00-17:00: Behobian, stand-ak, bizikletak erabiltzeko aukera, bisita gidatuak eta abar.
