Haizerik gabeko bela arineko estropada
Eguraldi ona egin arren, ez zuen haize nahikorik egin eta Ama Guadalupekoa Bela Arineko estropadak ezerezean gelditu ziren azkenean.
Estropadako parte hartzaileak (HIB)
Ama Guadalupekoa Bela Arineko XXXVIII. eta XXXIX. estropadek hasiera eman diote 2019-2020 denboraldiko Euskal Ligari. Eta zoritxarrez, eguraldi ona egin bazuen ere, iragarpenak bete eta ez zuen haize nahikorik egin. Hala, lehiaketan parte hartzen zuten lagunek ezin izan zituzten aurreikusitako probak egin, ez larunbatean, ezta igandean ere. Bela batzordeak larunbateko irteera bertan behera uztea erabaki zuen bitartean, igandean, hainbat saiakera egin zituzten parte-hartzaileek, baina emaitzarik lortu gabe lurrera itzuli behar izan zuten azkenean.
Hondarribiko Itsaskari Baita elkarteak jakitera eman duenez, lehiaketa alde batera utzi behar izan zuten arren, giro ezin hobea nagusitu zen asteburu osoan zehar
