Espainiako Txapelketa, Santiagotarrakeko gazteentzat
18 piraguistez osatutako taldeak 11 domina eskuratu ditu; urrezko 5, zilarrezko 3 eta brontzezko 3.
18 kirolarik hartu dute parte asteburuko txapelketan. Santiagotarrak taldeko gaztetxoak emaitza bikainekin bueltatu dira Leongo Sabero herrian jokatutako Gazteen Eslalomeko Espainiako Txapelketatik. Izan eren, bertaratutako 18 piraguistez osatutako taldeak 11 domina eskuratu ditu; urrezko 5, zilarrezko 3 eta brontzezko 3. Gutxi ez balitz, taldekako garaipena ere eskuratu dute taldeko gazteenek, hiru probetan lehenak sailkatu ostean.
Urrezko dominak Izar Garciak (C1 Haur A kategorian), Javier Arruabarrenak (K1 Haur A kategorian), Unai Santacruzek (K1 Haur B kategorian), Oier Alvarezek eta Oscar Garciak (C2 Haur A kategorian) eta Lauren Lacabann eta Eneko Vidaurretak (C2 Haur B kategorian) eskuratu dituzte. Zilarrezkoak aldiz, Javier Arruabarrena, Ainara Azanza eta Telmo Oteguirentzat izan dira. Hirugarren postuan, eta hortaz, brontzezko dominarekin, Izar Garcia, Ainara Aznza eta Aitor Iriondoy bueltatu dira.
Eslalomeko Munduko Kopa, aurrera
Gazteenez gain, helduek ere probaz beteriko asteburua izan dute. Markkleebergeko (Alemania) kanalean Eslalon Olinpikoko Munduko Kopako laugarren proba jokatu baitute Irungo hiru kirolarik, Klara Olazabal eta Ander Elosegi (C1ean) eta Joan Crespok (K1ean) hain zuzen ere.
Olazabalek eskuratu du emaitzarik onena; finalera sailkatu ostean, zazpigarren postuarekin konformatu behar izan du irundarak. Elosegi berriz, bederatzigarren postuan heldu da helmugara. Santiagotarrakeko hirugarren ordezkariak ordea ez du lortu hamalaugarren postutik pasatzea, eta ondorioz, finalerako txartelik gabe geratu da Crespo.
Datorren asteburuan jokatuko dute Munduko Kopako bosgarren eta azken proba, Pragan (Txekiar Errepublika). Halere, ez da taldeko ordezkaritzarik izango bertan, taldetik diotenez, federazioak erabaki baitu Seud D´Urgellen jokatuko duten Munduko Txapelketarako indarrak gordetzea.
