Dozena bat koadro, Menchu Gal gogoratzeko
Dagoeneko 'Aguafuertes del norte' liburuan bildutako obrak erakusgai daude CBA Udal Liburutegian. Irailaren 30era bitarte bisitatzeko aukera izango da.
![](https://bidasoa.hitza.eus/site/files/2019/07/expo-menchu-gal-cba.jpg)
Menchu Gal artista irundarraren jaiotzaren mendeurrenaren harira ekintza ugari egiten ari dira azkenaldian. Azken egitasmoa erakusketa bat izan da; dagoeneko ‘Aguafuertes del norte’ liburuan bildutako obrak erakusgai daude CBA Udal Liburutegian. Gaurtik irailaren 30ra bitarte bisitatzeko aukera izango da.
Orotara, hamabi lan zintzilikatu dituzte liburutegiko hormetan, 46 x 56 zentimetroko dimentsioko koadrotan. Ordutegia, ondorengoa: uztaila eta abuztuan, astelehen, asteazken eta ostiraletan 8:00etatik 14:00etara eta astearte eta ostegunetan 8:00etatik 20:00etara. Irailaren 1etik 8ra berriz, soilik astelehen eta ostiraletan bisitatzeko aukera izango da, 8:00etatik 14:00etara. Eta irailaren 9tik erakusketa amaitu arte, astelehen eta ostiraletan 9:00etatik 20:00etara eta larunbatetan 9:00etatik 13:00etara egongo da zabalik.