Lapurriturri ingurura, anfibio eta narrasti bila
Lapurriturri Informazio Puntuak denboraldiko hirugarren irteera berezia antolatu du datorren uztailaren 6rako (larunbata).
2019an zehar 7 irteera handi antolatu dituzte. Lapurriturriko Informazio Puntuak denboraldiko hirugarren irteera berezia antolatu du datorren uztailaren 6rako (larunbata). Zehazki, anfibioak eta narrastien inguruko behaketa saioa izango da. Parte hartzaileek Lapurriturri inguruko bazter eta putzuak bisitatuko dituzte, sugandila, musker, igel eta zapoak ikusteko asmoz.
Orotara, 20 laguneko taldean abiatuko dira mendira; 10:00etan Lapurriturrin izango dute zita. Aurretik izena eman beharko dute, Irungo Udalaren webgunean edota 010 telefono zenbakira deituta, gaurtik uztailaren 4ra bitarte.
