Irungo gazteek Bidasoa ibaia eta ingurua garbituko dute
Ingurumenarekin eta birziklapenarekin sentsibilizatzeko asmoz, Garbidasoa jarduera antolatu dute datorren hilaren 15erako.
Bidasoa ibaia eta ingurua garbitzea du helburu jarduerak. Datorren hilaren 15ean (larunbata) Ingurumenaren Nazioarteko Eguna da. Egun horren harira, Irungo Udaleko Gazteria saileko GazteArtean zerbitzua egitasmo berezi batean ari da lanean. Garbidasoa izeneko jarduera antolatu dute; hiriko gazteak ingurumenarekin eta birziklapenaren gaiarekin sentsibilizatzeko asmoz, Bidasoa ibaia eta ingurua garbituko dute.
12-25 urte bitarteko irundarrek hartuko dute parte garbiketa saioan. 16:00etan ekingo diote egunari, Osinbiribileko zakur parkean. Gero, Bidasoa ibaia garbitzen hasiko dira, bi taldetan banaturik. Talde batek Stand Up Paddle taula gainean ibaia garbituko du, beste taldeak ordea, oinez. Santiagotarrak taldearen egoitzan amaituko dute garbiketa.
