Datuen erabilera eta babesa landuko dute eraldaketa fabrikan
'Datuen erabilera eta babesa egungo legediaren arabera' saioa egingo dute datorren hilaren 11n, 10:00etatik 12:00etara, BDS Koop eraldaketa fabrikan (Aixin Zolua, 5).
Jon Turrillas (Biantik) eta Amaia Oleaga (Koop57), aurretik Errenteria-Oreretan egindako saio batean. Bidasoko KoopFabrikaren barruko formazio zikloaren saio berri bat iragarri berri dute. ‘Datuen erabilera eta babesa egungo legediaren arabera’ saioa egingo dute datorren hilaren 11n, 10:00etatik 12:00etara, BDS Koop eraldaketa fabrikan (Aixin Zolua, 5). Jon Turrillasek (Biantik kooperatibako kidea) datuen kudeaketa egokia nola egin irakatsiko du.
“Xedea ekintzailetza ikuspegi sozial eta kolektiboan gauzatzeko tresna berriak ematea izango da, eta era berean egiteko horretan gabiltzan pertsona eta kolektiboak saretzea. Beste eredu ekonomiko bat posible da eta hemen dago!”, diote antolatzaileek. Aurretik izena ematea beharrekoa izango da; helbide honetara idatziz edo egoitzatik zuzenean pasata. Informazio gehiago jasotzeko edo zalantzak argitzeko, 681 608 469 telefono zenbakira deitu daiteke.
