Pintaketa arrazistak agertu dira Lakaxitan
Zehazki, '¿Solidarios aqui que duerman los negros no?' esaldia margotu dute Lakaxitaren atarian. Erasoari erantzuteko, elkarretaratzera deitu dituzte herritarrak.
Horrela esnatu da gaur Lakaxita. Lakaxitak sare sozialen bidez salatu berri duenez, pintaketa arrazistak agertu dira gaur goizean gaztetxeko paretan. “Pintada hauek bai migratzaileekiko, bai Irungo Harrera Sarearekiko eta bai herritarrekiko gutxieste bat bezala jotzen dugu. Hori dela eta gerturatze batera gonbidatzen zaituztegu. Lakaxitak ez ditu jarrera arrazistak eta faxistak onartuko”, adierazi dute Lakaxitako kideek.
Zehazki, ¿Solidarios aqui que duerman los negros no? esaldia margotu dute Lakaxitaren atarian. Erasoari erantzuteko, elkarretaratzera deitu dituzte herritarrak. Gaur 18:30ean elkartuko dira San Juan plazan. “Irungo herritarrok ez ditugu jarrera arrazistak eta faxistak onartuko. Etorkizun kultur anitz eta aske baten alde lanean jarraituko dugu”, gehitu dute.
