'Laburbira' zirkuituak geldialdia egingo du Irunen
Aurten sortu dituzten bederatzi film laburrekin ordubeteko proiekzioa egingo dute datorren ostegunean (hilak 11).
Gaur aurkeztu dute osteguneko emanaldia. Irungo udalak eta Topaguneak ‘Laburbira’ euskarazko film laburren zirkuitua antolatu du hilaren 11erako (osteguna). Amaia Kultur Zentroan izango da emanaldia, 19:30ean.
“Zirkuitu ibiltariak bi helburu nagusi ditu: euskarazko sortzaileen kalitatezko lana ezagutaraztea eta ikusleei hemen eta euskaraz sortutako film freskoez gozaraztea”, adierazi du Monica Martinez Euskara arloko ordezkariak. Orotara, bederatzi film ekoitzi dituzte aurten. Horietan, maitasun istorioak, tentsio bizikoak, animaziozko lanak edota umorezkoak ikusteko aukera izango da. Guzti horiekin, ordubeteko emanaldia osatu dute.
16 urte bete du egitasmoak aurten, eta martxoaren 20tik Euskal Herriko herri ugari bisitatu ditu. Aurtengo film gehienak gazte sortzaileenak dira, beste batzuk berriz, esperientzia luzeko zuzendarienak. Horietatik zazpi emakumeek zuzendu dituzte.
Emanaldian parte hartzeko, webgune honetan dagoen galdetegia bete beharko dute interesdunek. Informazio gehiago, Irungo Udalaren webgunean.
