"Irunen etorkizuna hobetzeko gaitasuna eta helburua" duen taldea aurkeztu du EAJk
Irungo EAJk udal hauteskundeetarako zerrenda aurkeztu du. "Oso ondo prestatuta dauden emakume eta gizon irundarren talde sendoa" dela adierazi du.
Irungo EAJren zerrendako kideak. Igandean aurkeztu zuen Irungo EAJk maiatzaren 26ko udal hauteskundeetarako prestatu duen hautagaien zerrenda. Xabier Iridoy zerrendaburuaren hitzetan, “Irunen etorkizuna hobetzeko gaitasuna eta helburua” duen lantaldea da, “lan egiteko oso prestatuta dauden emakume eta gizon irundarren talde sendoa”. Hiriko pertsonen, elkarteen zein gizarte eragileen arteko lankidetzatik osatutako egitasmoa landu dutela adierazi du Iridoyk, “pertsonen beharrak kontuan hartzen dituena”.
Zerrendakideen ezaugarrietan sakonduz, Iridoyk nabarmendu du hiriko hainbat auzotan bizi diren eta bizipen ezberdinak dituzten pertsonak dituela zerrendan lagun, “gure hiriak duen aniztasuna islatzen duen taldea da. Baina sentimendu batek elkartzen dituena, Irunen alde lan egin nahi dute, etorkizuneko belaunaldiei Irun berreskuratu eta identitatedun bat eskaini nahi diote”.
Zerrendaren aurkezpenean ere, Jose Antonio Santanoren egitekoari kritika. Egungo alkateak eta PSE-EEren zerrendaburuak alkate gisa “ezgaitasuna eta aniztasuna agerian utzi” dituela esan du EAJren buruak: “Gaur egun Irunen bizi den egoera defendaezina da. 2019rako aurrekonturik gabe, ekonomikoki ahulduta, Gipuzkoako enpleguaren ilaran, babesik gabeko bertako merkataritza batekin, trafiko eta mugikortasun arazo larriekin…”. Horren guztiaren aurrean, Irunek aukerak badituela defendatu du Iridoyk, “hori guztia egi bihurtzeko gogoa eta ilusioa dugu”. Orain arte EAJk, oposiziotik zein udal gobernutik, hiria hobetzeko konpromisoa izan duela nabarmendu du, “baina gobernu sozialistak eta Santano alkateak ez dute taldean lan egin nahi izan”.
“Irunek behar duen norabide aldaketan” eragiteko prest daudela zehaztu du EAJren hautagaiak, “irundarren benetako beharrizanetara egokitutako udala lortzeko prest gaude”.
Jarraian, Irungo EAJren zerrenda osoa:
- 1. Xabier Iridoy Olaizola.
- 2. Josune Gomez Sarasola.
- 3. Lourdes Larraza Quilez.
- 4. Josu Igiñiz Etxebeste.
- 5. Jose Enrique Corchon Alvarez.
- 6. Miren Gezuraga Cantero (independentea).
- 7. Lander Ugartemendia Mugika.
- 8. Ricardo Bereziartua Vallejo.
- 9. Jasone Ugarte Garcia de Andoin.
- 10. Iulen Arana Zolezzi.
- 11. Belen Rojas Alonso (independentea).
- 12. Gorka Alvarez Aranburu.
- 13. Irene Kastezubi Arellano.
- 14. Noel D’anjou Olaizola.
- 15. Ana Iturria Vazquez (independentea).
- 16. June Aranburu Cariñena.
- 17. Lauren Etxepare Igiñiz (independentea).
- 18. Elena Mitxelena Minguez (independentea).
- 19. Pedro Ikardo Espino.
- 20. Itziar Zunzundegi Narbarte.
- 21. Beñardo Garcia Etxeberria.
- 22. Maria Eugenia Iparragirre Bemposta.
- 23. Elena Etxegoien Gaztelumendi.
- 24. Josean Eizagirre Arzak.
- 25. Xabier Txapartegi Larrañaga.
Ordezkoak
- Helena Lopez Agirrezabala.
- Roberto Blanco Martin.
- Iñaki Zunzundegi Narbarte.
