Korrika Festako bazkarirako txartelak salgai
Larunbatean Kasino Zaharrean egingo den Korrika Festako bazkariko txartelak salgai daude Txantxangorri eta Le Petit Treme tabernetan. Olagarro eta Itsas Lur elkarteetako sukaldariek prestatuko dute bazkaria, eta 15 euroan jarri dute menua.
Bazkaria eta gero bertso saioa izango da, Adrian Arruti, Egoitz Zelaia eta Irati Mateo bertsolariekin.
Ondoren, musikak emango dio segida jardunaldiari. Aurrena, Andoni Ollokiegi sanjuandarraren emanaldia izango da, gero festako ekitaldi nagusia iritsiko da, Suaia eta Ama Rebel reggae taldearen kontzertua. Bukatzeko, Unai eta Arra dj hondarribiarrek luzatuko dute festa.
Gazte Xaiak eta Hondarribiko korrika Batzordeak antolatu dute Korrika Festa. Bertan ateratzen den diru guztia Korrikarentzat izango dela gogorarazi dute antolatzaileek.
Hondarribiko Korrika Festa
- 11:00etan. Izugarria! erraldoi eta buruhandien kalejira, Arma Plazatik Portura.
- 12:30ean. Poteoa Abiyuan txarangarekin, Portutik Kasino Zaharrera.
- 14:00etan. Herri bazkaria eta bertsolariak.
- 18:00etan. Andoni Ollokiegi.
- 20:30ean. Suaia eta Ama Rebel.
- Bukatzeko. DJ Unai eta DJ Arra.
Suaia eta Ama Rebel taldea
