Haziak berriz ere ateak zabalduko ditu
Bihar (hilak 30) egingo dute berrirekiera ekitaldi ofiziala, baina halere, gaurko luntx berezia antolatu dute.
![](https://bidasoa.hitza.eus/site/files/2019/03/captura-de-pantalla-2019-03-29-a-las-10-47-12.png)
Hiru hilabete eman dituzte bizilagunek gogor lanean elkartea goitik behera berritzen; prest da Hazia berriz ere ateak zabaltzeko. Bihar (hilak 30) egingo dute berrirekiera ekitaldi ofiziala, baina halere, gaurko luntx berezia antolatu dute (19:00etan). “Beste behin ere argi utzi dugu sententzia eta sumario faxisten aurrean bagarela eta izango garela!”, diote elkartetik.
2015ean, Espainiako Auzitegi Gorenak Espainiako Auzitegi Nazionalaren 35/02 auziko sententzia berea egin zuen. Ondorioz, Hego Euskal Herriko 102 herriko taberna konfiskatzeko agindu zuen; horietako bat izan zen Hazia. 1992an zabaldu zituen lehenengoz ateak.
Honakoa da irekieraren harira biharko antolatu duten egitaraua:
- 13:00: Berrirekiera ofiziala (ondoren, preso eta iheslarien aldeko elkarretaratzea eskura daitezke).
- 14:00: Bazkaria (Txartelak 20 euro, 628 038 899 telefono zenbakian).
- 20:00: Kontzertuak, DJ-ak…