Oiasso Erromatar Museoa, inoiz baino indartsuago
Gaur egin dute 2018ko ekitaldi eta jardueren balorazioa, eta azken urteotan bezalaxe, gorako joera izan du.
Gaur egin dute iazko balorazioa, udaleko ordezkari Juncal Eizagirrek, museoko zuzendari Cristina Aguirrek eta ekintzen arduradun Maria Jose Noainek. Oiasso Errromatar Museoak 2006an ateak zabaldu zituenetik, une gozoena bizitzen ari da egun. Gaur egin dute 2018ko balorazioa, eta azken urteotan bezalaxe, gorako joera izan duela ondorioztatu dute. 13 urteko ibilbidean, orotara, 300.000 lagun baino gehiagok bisitatu dute museoa.
Iaz, 29.210 bisitari jaso zituen Oiassok (2007an baino %1,4a gehiago). Gainera, udaran zehar ere turismo asko jaso dutela diote museotik, bereziki eskaintzen duten irteera eskaintzarengatik. “Sektorean erreferente bilakatu da Oiasso Museoa”, adierazi du museoko zuzendari Cristina Aguirrek, eta hirian antolatzen diren ia kultur jarduera guztiak bertatik pasatzen direla nabarmendu du.
