Aurtengo sanmartzialetan, 30 hautagai oholtza gainera igotzeko
Irungo Udaleko Kultura sailak jakinarazi duenez, gaur bertan zabaldu dute 2019ko San Martzial eta San Pedro jaietan kontzertua eskainiko duten taldeak bozkatzeko aukera.
Iaz Sangre de Mono talde irundarrak eskainitako kontzertua. Argazkia: Sangre de Mono. Irungo Udaleko Kultura sailak jakinarazi duenez, gaur bertan zabaldu dute 2019ko San Martzial eta San Pedro jaietan oholtza gainera igoko diren taldeak bozkatzeko aukera. Zazpigarren urtez jarraian, irundarrak izango dira aukeraketa prozesuaren protagonistak.
Hilaren 21era bitarte eman daiteke bozka, Irungo udaleko webgunean. 30 hautagairen artean talde gustukoenari eman beharko diote bozka irundarrek. Ondorengo taldeak dira hautagaiak:
- Ekainak 22: Band Jovi, Dancing Queen Abba, Dark Experiencia, Dos pajaros y un trio, No dudaria, Rolling Stones Tribute eta Showbeat.
- Ekainak 23: En Tol Sarmiento, Hesian, Izaki Gardenak, Skakeitan, Willis Drummond, Ze Esatek! eta Zea Mays.
- Ekainak 28: Alamedadosoulna, Blas Canto, Bebe, Despistaos, Fernando Costa, Green Valley, La Habitacion Roja, Merche, Sidonie, Tarque eta Rosario.
Horiez gain, bertako taldeak ere igoko dira Urdanibia plazako oholtza gainera. Hala, La Bona Dea, Left Hook, Ras Miguel & Tafari, Yero Company-Flamenquito Latino edota We taldeen artean ere bozkatu beharko dute herritarrek.
