Irungo emakumeen ahalduntze tailerretan, bost aukera
Irungo emakumeen ahaldutze tailerrak doan izango dira aurten. Lehen eskolak 'Ez gara eroak ez mendekoak, feministak gara' tailerrekoak dira.
Atzo aurkeztu zituzten eskolak. Irungo Gizarte Ongizate sailak 2019ko emakumeen ahalduntze tailerren berri eman zuen atzo, urteko lehen seihilekoko tailerren berri zehazki. Bost aukera dituzte hiriko emakumeek (behean xehetasunak). Jada horietan izena emateko aukera dago. Ahalduntze eskolen programak bost urte egin ditu, eta Sergio Corchon alorreko udal ordezkariak jakinarazi du, aurretik 550 izan direla 30 eskoletan parte hartutako emakumeak. “Beste urte batez ezagutza eta esperientziak partekatzeko espazioak bilatuko ditugu, bizitzan so daitezkeen egoerei aurre egiteko”.
Ikastaroak emakumeei zuzendutakoak dira, eta lehentasuna Irunen erroldatuta daudenek izango dute: lehenengoz, doan dira denak.
Honakoak dira ikastaroak:
- Ez gara eroak ez mendekoak, feministak gara ikastaroa. Lau saio dira: hilaren 22 eta 29an, eta apirilaren 5 eta 12an, 16:30e-19:30, esku hartze komunitarioko aretoan. Izena emateko epea zabalik dago. Informazioa eta izena emateko aukera hemendik.
- Amatasuna: negoziatzekoa den gaia ikastaroa. Hiru saio dira: maiatzaren 17, 24 eta 31n, 10:30-13:30, Palmera Monteron. Izen ematea: apirilaren 29tik maiatzaren 10era.
- Hitz egin dezagun gure zoru pelbikoari buruz ikastaroa. Sei saio dira: maiatzaren 22, 23, 24, 27, 28 eta 29an, Palmera Monteron (18:00-20:00). Izen ematea: apirilaren 29tik maiatzaren 10era.
- Autodefentsa feminista. Datak, ordutegia eta lekua zehazteke. DBH4ko eta zikloetako neskentzat da.
- Zahartze ederra ikastaroa. Hiru saio dira: maiatzaren 17, 24 eta 31n, Behobiako Adinekoen Egoitzan. Bertako emakumeei zuzendutakoa da.
Oraingoz, Ez gara eroak ez mendekoak, feministak gara ikastaroan dago soilik zabalik izena emateko aukera. Hala ere, horretan eta besteetan (autodefentsa feministarena eta Zahartze ederra-n izan ezik) izena emateko bideak honakoak dira:
- Irungo Udaleko webgunearen bitartez.
- HAZ zenbakira deituz (010 Irundik, 943 50 51 52 Irundik kanpokoentzat).
Ondoko PDF artxiboan, ikastaro guztien zehaztasunak.
