Iker Arozena, 20 urte azpikoen Espainiako txapeldun
Joan den asteburuan, Bidasoa Atletiko Taldeko kirolariak Madrilgo Gallur pistan lehiatu ziren, 20 urte azpikoen pista estaliko Espainiako Txapelketan.
Taldeko bost kirolarik hartu dute parte Madrilen jokatutako txapelketan. Joan den asteburuan, Bidasoa Atletiko Taldeko kirolariak Madrilgo Gallur pistan lehiatu ziren, 20 urte azpikoen pista estaliko Espainiako Txapelketan. Bertan, orotara, taldeko 5 kide lehiatu ziren; emaitza onekin bueltatu dira irundarrak, bereziki Iker Arozena.
Arozena Espainiako txapeldun izan da, hasiera zaila izan arren, 7.04, 7.12 eta 7.14 metroko jauzi ikusgarriak egin ostean. Gainera, BATeko kirolariak taldeko errekorra hautsi duela diote taldetik, errekorra 7.14 metroan utzita.
Arozenarekin batera, taldeko lau neskek hartu dute parte Espainiako Txapelketan. Nerea Sasiainek 9. postua eskuratu du 400 metro lisoetan; Alazne Garridok 12.ena 400 metroetan; Malen Orduñak 14. eta 16.ena (bi probatan lehiatu zen, pertigako saltoan eta 60 metro hesietan zehazki) eta Ana Sorondok 25. postua eskuratu du 200 metroetan.
