Dominaz beteta bueltatu dira Euskadiko Kopako bigarren probatik
Irungo 26 kirolariei esker, taldekako sailkapenean bigarren postua eskuratu dute, eta orotara, hamar dominarekin bueltatu dira hirira.
Hamar domina eskuratu dituzte. Joan den larunbatean (hilak 16), Santiagotarrakeko ur bizien sekzioak Euskadiko Kopako bigarren proba jokatu zuen, Orthezeko kanalean (Bearnon). Irungo 26 kirolariei esker, taldekako sailkapenean bigarren postua eskuratu dute, eta orotara, hamar dominarekin bueltatu dira hirira.
Joan Crespok K1 seniorrean, Haritz Azanzak K1 kadetean, Martin Arruabarrenak C1 kadetean eta Urko Zabaletak K1 beteranoetan urrezko domina eskuratu dute. Maialen Olasok (C1 kadetean) berriz, zilarrezko domina irabazi du. Telmo Olazabal (K1 seniorrean), Oier Rodriguez (K1 juniorrean eta C1 seniorrean), Martin Arruabarrena (K1 kadetean) eta Haritz Azanzak (C1 kadetean) ere domina eskuratu dute, brontzezkoa zehazki.
Hurrengo hitzordua datorren asteburuan izango du Santiagotarrakeko ur bizien sekzioak, berriz ere Orthezen. Bertan, Estatu mailako Kopako lehenengo proba jokatuko dute.
Ander Elosegi, hamargarren
Australiako Openean lehiatu berri dira Santiagotarrakeko Ander Elosegi eta Klara Olazabal, Perth hiriko kanal olinpikoan jokatutako lehenengo proban. Munduko kirolari onenekin lehiatu ostean, hamargarren postua eskuratu du Elosegik C1ean. Olazabelek berriz, ezin izan zuen sailkapen probetatik pasa.
Datorren asteburuan emango diote jarraipena Australiako Openari, bertan Ozeaniako Txapelketa jokatuko baitute.
