Irungo inauteriek badute kartela
Juan Jose Agirrek egin du kartela. 22 hautagai aurkeztu dira lehiaketara. Epaimahaia hiriko konpartsetako kideek osatu dute.
Juan Jose Agirrek egindako Inauterietan kartela izango da Irungo inauterietako kartel iragarlea. Orotara, 22 hautagairen artean erabaki dute epaimahaiko kideek zein irudiri eman baiezkoa —inauterietan parte hartzen duten konpartsetako kideak dira epaimahaiko kideak—. Hortaz, Agirrek, 500 euroko saria dirutan eta inauterien irudiaren egile izatearen ohorea eraman ditu.
Bigarren sari bat ere bazegoen, akzesita. Hori, Ioseba Imanol Vilasek irabazi du, dirutan 150 euro irabaziz.
Lehiaketara aurkeztu diren lanak ikusteko aukera izango dute irundarrek, Amaia KZn jarriko duten erakusketa batean. Hori otsailaren 15etik martxoaren 3ra arte egongo da zabalik: asteartetik larunbatera, 18:00etatik 21:00etara, eta igande eta jaiegunetan 11:30etik 13:30era.
