30. Lilatoian HITZA taldearekin parte hartzeko aukera, eskura!
HITZA taldean parte hartzeko aukera otsailaren 22ra arte dago. HITZAk lasterketan parte hartzeko dortsal baten zozketa abiatu du.
Iaz HITZA taldea osatu zuten emakumeak. Beste behin ere Donostia milaka emakume korrikalariz beteko du Lilatoiak. Aurten 30. lasterketa izango da. Eta azken urteetan egin modura, lasterketa HITZA taldearekin egin nahi dutenek horretarako aukera edukiko dute. HITZA taldean izena emateko aukera ezberdinak daude: telefonoz deituta (943 34 03 30) edo posta elektronikoa idatzita. HITZA taldea osatzen duten guztiek kamiseta bat jasoko dute opari modura, eta, ondorioz, izena ematerakoan kamisetaren neurria ere zehaztu beharko da. Otsailaren 22a da izena emateko azken eguna.
Bestalde, HITZAk lasterketan parte hartzeko dortsal baten zozketa ere egingo du harpidedunen artean (HITZAkide harpidedunak, eta HITZAkideak). Interesdunek martxoaren 1eko 16:00ak baino lehen parte hartu behar dute, bide hauek jarraituz:
- HITZAren webgunearen HITZAkide atalean dagoen Txokoa sailean.
- Telefono dei bat eginez: 943 34 03 30.
