Soldata arrakalaren kontra, bihar Irungo epaitegira
Polizia etxeetako eta epaitegietako garbiketa langileek borrokan jarraitzen dute. Elkarretaratzea deitu dute biharko (hilak 30), 11:00etan.
Errenteria-Oreretan langileek egindako mobilizazio baten irudia. Polizia etxeetako eta epaitegietako garbiketa langileek borrokan jarraitzen dute. Jasaten duten soldata arrakala ezabatzea exijituko dute bihar Irunen Gipuzkoa osoko langileek, epaitegian egingo duten elkarretaratzean. ELA sindikatuak deitu du mobilizazioa.
Sektoreko langileek 132 egun daramatzate greban, esleipendun den Garbialdi enpresak konponbidea emateko “negoziazio seriorik abian jarri gabe”. Langile grebalariek justizia eta segurtasun sailari “benetan inplikatu” daitezela eskatu diete, garbikuntzako sektorean soldata berdintasuna berma dadin.
