'Rita' euskarazko antzezlana, igandean, Itsas Etxean
Begoña Bilbaok zuzendutako obra da 'Rita arrastoan sartzen, eta Aitziber Garmendia eta Joseba Apaolaza dira aktore protagonistak.
Aitziber Garmendia eta Joseba Apaolaza protagonista dituen Rita arrastoan sartzen euskarazko antzezlana taularatuko dute igandean Hondarribiko Itsas Etxea Auditoriumean, 19:30ean. Begoña Bilbaok zuzendutako obra da, Willy Russelek testuan oinarrituta dagoena, eta Martin Agirrek euskarara itzuli duena.
Sarrerak 8 euroan eskuratu daitezke Arma Plaza kultur gunean (larunbatera arte), eta Interneten; 18 urtetik beherakoek erdia ordaindu behar dute. Igandean, emanaldia hasi baino bi ordu lehenago irekiko dituzte Itsas Etxeko leihatilak, 17:30ean.
Unibertsitateko irakasle baten eta bere ikasle berriaren arteko harremana kontatzen du antzezlanak. Frank (Apaolaza) unibertsitateko irakaslea da. Ikasle berri bat etorri zaio, Rita (Garmendia), lanbidez ile apaintzailea dena, eta Macbeth taberna bat eta Hamlet garagardo marka dela uste duena. Irakaslea etsiak jota dagoen poeta da, amore emandakoa, baina ikasle berriak piztu egingo du. Ikasleak ikastea maite du eta irakasleak maitatzen ikasiko du.