Gaurko egunez fusilatu zuten Jesus Carrera
1945eko urtarrilaren 16an fusilatu zuten Alcala de Henaresko hilerriko hormaren kontra. Familiak bere gorpuzkiak berreskuratu zituen iaz.
Asteburuan loreak jarri zizkioten Jesus Carrerari Gaurko egunez, 1945eko urtarrilaren 16an fusilatu zuten Jesus Carrera Olaskoaga hondarribiarra Madrilgo Alcala de Henaresko hilerriko hormaren kontra. 1943ko martxoan atxilotu zuten, Espainiako Alderdi Komunistako idazkari nagusi zenean. Tortura latzak jasan zituen Segurtasun Zuzendaritza Nagusian; atxilotu eta bost hilabetera eraman zuten epailearen aurrera. 1944ko irailaren 19an epaitu zuten, eta hiru hilabetera jaso zuen epaiaren berri.
Iaz berreskuratu zituen familiak buruzagi komunistaren gorpuzkiak. Ekainaren 15an atera zituen Aranzadik hezurrak bere hobitik, eta uztailaren 27an etxekoen panteoian lurperatu zituzten. Gaur Carreraren memoria ohoratzera hurbiltzen direnek, senideek asteburuan jarritako lorez apainduta aurkituko dute bere hilobia, asteburuan bisita egi baitzioten senideek.
