Baserritarrez jantzita, bihar, Urdanibia plazara

Txerria izango da ostiraleko protagonista nagusia Irunen ere. Bihar (hilak 21), San Tomas eguna egingo dute Urdanibia plaza inguruan.

Imanol Saiz

Irun

2018/12/20

Iazko San Tomas egunean bildutako irudia.

Txerria izango da ostiraleko protagonista nagusia Irunen ere. Bihar (hilak 21), San Tomas eguna egingo dute Urdanibia plaza inguruan. Milaka eta milaka lagun gerturatuko dira, gehienak baserritarrez jantzita, eta denak tripak txistorraz eta edariz betetzeko prest. Irungo Udaleko kultura sailak gaur bertan kaleratu du biharko egitaraua. Hamaika jarduera antolatu dituzte, egun osoko egitaraua prestatu dute. Honakoak dira goiz eta arratsalderako antolatu dituzten ekitaldiak:

08:30: Irungo Udalak Irungo Euskara Kirolak elkartearen laguntzarekin antolatutako nekazaritzako produktuen lehiaketa/erakusketa.
09:30: Lehiaketa/erakusketan parte hartuko duten postuak irekiko dituzte.
10:30: Ezti dastaketa, Gipuzkoako Erlezainen Elkarteak antolatuta.
12:00: Barazkien, animalien eta eztiaren lehiaketen sari banaketa.
17:30: 17:30etatik 22:00etara, dantza eta trikiti taldeen emanaldiak.
17:30: Txorimaloak soinu taldearen emanaldia.
18:00: Adaxka dantza taldearen emanaldia.
18:30: Eraiki dantza taldearen emanaldia.
19:00: Irungo Udal Musika Eskolaren emanaldia.
19:30: Auntxa Trikiti Taldearen emanaldia.
20:00: Ibarla Meaka Dantza Taldearen emanaldia.
21:00: Meakako Adixkideak taldearen emanaldia.
21:30: Kemen Dantza Taldearen emanaldia.
22:00: Burrunba Elektro-Txarangak giroa alaituko du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.