Larunbatean bukatuko da Fenomena jaialdia
'Haizeak Eraman Zuena' festa egingo dute Psilocybenea aretoan, urriaren 6an jo ez zuten taldeekin, eta disko jartzaileekin.
Larunbatean, hilak 15, Haizeak Eraman Zuena festa egingo dute Psilocybenea aretoan. Fenomena festibalaren jarraipena da, eguraldi txarrak behartuta moztu behar izan baitzuten urriaren 6ko jaialdia. Egun horretan jotzerik izan ez zuten Kabbalah eta Gizzard taldeek joko dute larunbatean, besteak beste.
Arratsaldeko seietan hasiko da festa, eta sarrerak 5 euroan salduko dituzte. Fenomena jaialdian bezala, pintxoak eta bokatak jarriko dituzte txosnan, arratsaldetik joaten direnei begira.
Haizeak eraman zuena festa
- 18:00. Afamada Orquestina Dj.
- 20:00. Kabbalah (Iruñea).
- 21:30. Gizzard (Madril).
- 23:00. Chuck Lee Dj festa (Costra Vasca session)
Kabbalah talde iruindarra
