Bidasoa Biziriken 'coworking'-ean, zortzi proiektu berri

"Pertsona, proiektu eta enpresa ekintzaileak lagundu eta bideragarri bihurtzeko" bidean, 'Bidasoan ekiteko bekak' programa abiarazi berri dute.

Imanol Saiz

Hondarribia,Irun

2018/11/28

Jada bertan lanean hasi dira onuradun izan diren zortzi proiektuetako kideak.

Irun eta Hondarribiko Udalek, Bidasoa Bizirik elkartearen laguntzarekin, “pertsona, proiektu eta enpresa ekintzaileak lagundu eta bideragarri bihurtzeko” bidean, ‘Bidasoan ekiteko bekak’ programa abiarazi berri du. Ekintzaileak diren pertsona berritzaileak babestea bilatzen dute bekek, negozio erreal eta iraunkorretan bihurtzeko. Irailaren 30ra bitarte izan dute herritar eta enpresek izena emateko epea, eta dagoeneko elkartearen coworkingera batu direnen berri eman dute. Ondorengoak dira, parte hartzaile guztien artean hautatu dituzten proiektuak:

Kirol Ekintzentzako plataforma Web eta Aplikazioa zerbitzu berritzaileekin.
Patronaje Atelierra eta birziklagarriak diren materialez egindako teknika tradizionalak eta modernoak uztartzen dituen jantzigintza espezializatua.
Espazioen antolaketarako zerbitzu profesionala (Home staging deiturikoa).
Hondarribian gazteentzako hizkuntza egonaldiak.
Ideiak dauzkaten pertsonentzako magiaren munduan erabilitako sormen prozesuak.
ARA! GORPUTZ proiektua.
Ginekologia autogestionatua.
Euskal filmen audio-deskribapena garatzea pertsona itsuentzako, lokuzio, bikoizketa eta euskarazko gidoiarekin.
Bitxigintza eta pieza askeen proiektua.

Proiektu guztiak Zaisan eta Irungo Ficoban Bidasoa Bizirikek dituen bulegoetara batuko dira; egun 27 enpresentzako tokia dute bertan. Elkartetik jakinarazi dutenez, alokairu murriztua ordaintzen dute, proiektuak bideragarriak izan daitezen laguntzeko, eta gehienezko iraunkortasuna bost urtekoa da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.