[Galeria] Ainhoa Sanz eta Aitor Etxeberria garaile mende erdiaren krosean

Irun Hiria Krosaren 50. ekitaldia egin zuten igandean. Asteburu berezia izan da, BATek data baliatu duelako aurreko urteetako irabazleak omentzeko.

Urko Etxebeste Petrirena

Irun

2018/11/20

Emakumeen lasterketaren une bat.

Igandean egin zen Irun Hiria Krosaren 50. ekitaldia, Bidasoa Atletismo Taldeak antolatua (BAT). Orotara, maila guztietan, 814 lasterkari izan ziren Txingudi Ikastolaren inguruko zirkuituan parte hartzen. Horietatik 193 federatuak izan ziren, eta 621 eskolartekoak. Bada federatuen kategorian nagusian, emakumeetan Ainhoa Sanz Goierri Garaia taldeko kidea izan zen azkarrena, eta gizonetan Deportes Apalategui taldeko Aitor Etxeberria. Ondokoak, kategoria nagusien podiumak: Emakumeak

Ainhoa Sanz 20:29
Marina Vicente 21:04
Maider Gaztañaga 21:10

Gizonak

Aitor Etxeberria 26:37
Kamel Ziani 26:47
Atarratze Beñat Mota 26:51

BATen ordezkaririk onenak Olatz Zabala emakumeetan seigarren izan zena, eta Jose Gomez de Arriba gizonetan, ere seigarren. Lasterketan, Irungo Udaleko ordezkariez gain, Mariano Haro, Jose Luis Gonzalez, Rene Jourdan edo Carmen Valero korrikalari historikoak izan ziren. Izan ere, aurreko egunean, larunbatean, krosaren 50. urteurrenaren harira ekitaldi ofiziala egin zuten Irungo udaletxean, eta krosa irabazi eta olinpiko izandako horiek omendu zituzten, besteak beste. Lasterketaren barruan, 12. Igor Hernandez oroimenezkoa egin zen, 16 urtez azpikoen kategoriakoa. BATeko kide izan zen Hernandez, oso gazte zela hil egin zen. Hala, Ainhoa Garcia Zabalegik eta Mikel Iñaki Oliverak jaso zituzten, Hernandezen aitaren eskutik, sariak. Oroimenezko horretan kategoria horretan BATeko korrikalari onenak saritzen dituzte. Emaitzen berri zehatzagoa izateko, sartu BATen webgunean. Beheko argazkiak BATek HITZAra bidalitakoak dira. Askoz gehiago dituzte euren Flickr helbidean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.