Lehenengo hiru ordu eta erdian, 2.265 boto

Antolatzaileak pozik daude orain arteko datuekin; oraindik etxetik atera ez diren irundarrak animatu dituzte hautetsontzietara hurbil daitezen

Erik Gartzia

Irun

2018/11/18

13:00ak inguruan itxura hau zeukan San Juan plazako bozkalekuak.

Hartu Hitza elkarteak, gainontzeko udalerrietan egin ohi izan den bezala, galdeketaren lehen balorazioa egin du 13:00etan. Xabier Martinez eta Elena Berazadik, Hartu Hitza elkartearen izenean, goizak eman duenaren errepasoa egin dute. 07:30erako boluntario guztiak bakoitzari zegokion txokoan zeuden, eta ordubete beranduago mahai guztiak prest zeuden boto emaileak jasotzeko. Galdeketa hasteko ordua 09:00etan izan da, eta bi txupinekin iragarri dute. 12:30era arte, arazorik izan ez dela nabarmendu du Berazadik: “Dena oso ongi joan da, ez da inolako arazorik egon. Sistema informatikoak ere bai ederki funtzionatu du”. Parte hartze datuei dagokienez, hamasei urtetik gorako irundarren %4,24 izan da botoa hautetsontzian sartu duena. Alegia, 2.265 lagunek. Botoa emateko aukera 20:00 arte dago, eta oraindik etxetik atera ez direnak animatu dituzte. Horrez gain, 300 boluntarioen laguntza eskertu du Hartu Hitzak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.