Azken minutuetan aurreratu ziren hondarribiarrak lehen aldiz markagailuan. Euskal Ligako lehen bi partidak irabazi dituzte.
Il Capo Hondarribia eskubaloi taldeak garaipena lortu zuen igandean Basauriko Indupimeren kontra (20-21), Artunduaga kiroldegian jokatutako Euskal Ligako bigarren jardunaldian (20-21). Azken minutuetan lortu zuten helburua hondarribiarrek, bost minutu falta zirela aurreratu baitziren lehen aldiz markagailuan.
Atsedenaldira hiru gol azpitik joan ziren (12-9), baina bigarren zatiko lehen bost minutuetan 0-3ko partziala egin eta emaitza orekatu zuten. Hortik aurrera, bigarren zatia oso parekatua izan zen. Meritu eta emozio handiko garaipena izan zen, azken segundoak jokalari bat gutxiagorekin jokatu baitzituzten Javi de la Hazaren mutilek. Mikel Vazquez izan zen Il Capo Hondarribia taldeko golegile onena, bost golekin.
Hurrengo partida etxean jokatuko dute hondarribiarrek, igandeko 12:00etan, Ordiziaren kontra. Aukera polita hirutik hirugarrena lortzeko, ordiziarrek makal hasi dutelako denboraldia (
ikusi sailkapena).
Ligako lehen bi partidak irabazi ditu Il Capo Hondarribia taldeak