Amute-Kosta auzoko festak, gaurtik igandera

Gaur hasiko dira Amute-Kostako jaiak, lokalen apainketarekin eta auzoko zaindariaren omeneko mezarekin. Ikusi asteburuko egitaraua.

Amute-Kostako Jaiak estropada

Aurten arratsaldez egingo dute igandeko estropada, itsasgorarekin

Gaur (osteguna) hasiko dira Hondarribiko Amute-Kostako jaiak. Arratsaldez hasiko dira, lokalen apainketarekin (17:00) eta auzoko zaindari San Frantzisko Asiskoaren omenez egingo den mezarekin (19:00). Mezaren ondoren, luntxa zerbitzatuko dute. Suziria, baina, bihar botako dute, arratsaldeko bostetan. Haurren Eguna da biharkoa, ekitaldi piloa antolatu baitituzte txikientzat plazan. 17:00etatik 19:45era ez dute atsedenik izango. Ordu horretan, pizzak zerbitzatuko dituzte, indarrak berreskuratzeko. Amute-Kostako jaietako klasikoak ez dira faltako aurtengo egitarauan: pala txapelketaren finala, ostiraleko DJa, larunbateko bazkaria, igandeko estropada… Estropada igande arratsaldean izango da, mareak baldintzatuta. Horren aurretik zikiro jana izango da plazan, Lanbroa tabernaren eskutik (9 eurotan platera).

Amute-Kostako jaiak. Egitaraua

Osteguna   Ostirala   Larunbata   Igandea
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.