Lehen saioa datorren ostegunean egingo dute. Bertan, Ainhoa Agirreazaldegi, Manex Agirre, Ibon Ajuriagonjeaskoa eta Egoitz Zelaia bertsolariak ariko dira.
![](http://bidasoa.hitza.eus/site/files/2018/05/kabigorri-sala.jpg)
Kabigorrin egingo dute bertso gaua, hurrengo ostegunean.
Ikasturte berriarekin, bueltan dira Kabigorriko Bertso Gauak. Irunabar Irungo Bertsoaren Bilguneak antolatu ditu seigarrenez jarraian, Kabigorrirekin elkarlanean. Hileko lehen ostegunetan izango dira, 19:30ean.
Hala, lehen saioa datorren ostegunean (urriaren 4an) egingo dute. Bertan, Ainhoa Agirreazaldegi, Manex Agirre, Ibon Ajuriagonjeaskoa eta Egoitz Zelaia bertsolariak ariko dira. Bertso jarriak, Aitor Errazkinen eskutik etorriko dira, eta Eneko Sanchez aurkezle eta gai jartzaile gisa ibiliko da.