Ezagutu Fenomena 2018 jaialdiko taldeak
Entzun Hondarribiko rock jaialdira etorriko diren taldeak. Urriaren 6an egingo dute Fenomena 2018, Kasino Zaharrean.
Entzun Hondarribiko rock jaialdiaren hirugarren ekitaldira etorriko diren taldeak. Urriaren 6an egingo dute Fenomena 2018, Kasino Zaharrean.
Mila talderekin jo eta gero —eta jarraitzen du horretan—, duela urte batzuk ozeano ezkutu batean murgildu zen Oscar Benas musikari eta artista irundarra, bere sukar-amets desleialak, instrumentalak, elektrikoak eta lisergikoak kosmoseko edozein entzumen sistemaren atomo txikienak zulatu arteko abenturan bidaide izango zituen izakien bila. Bilaketa horretan Kasino Zaharra bisitatuko du urriaren 6an, formatu berezia izango duen emanaldian.
Las Culebras taldeko Carmen eta Marga iruindarren proiektu paraleloa. Jaialdiko talde ilunena, bai musikan, baita letretan ere. Retro ukituko soinuak, rock okultistaren eta 1970ko heavy psikodelikoaren artean dantzan. Ez harritu deabrua azaltzen bada.
Juanba Destroso (Falso Cabaret) artista sevillarraren talde berria. Talde formatua izanagatik ere, proiektu pertsonala da goitik behera, Destrosoren erraietatik ateratzen dena. Egile rock gordina, malenkonikoa, obsesiboa, berdin desesperatua berdin itxaropenez betea.
Countrya eta rock kosmikoa bateraezinak direla uste baduzu, ahozabalik utziko zaituzte euren psycho-folkarekin. Iaz The Cubicalek utzitako langa gainditzeko datoz, Liverpoolen baino rock hobea Londresen egiten dela erakustera datoz. Lortuko ote dute?
Hil honetan argitaratu berri duten Endless time diskoa besapean iritsiko dira Madrilgo undergroundetik Hondarribira. Rock psikodelikoa eta psikotropikoa, surf, southern eta bues pintzeladekin. Ez dira King Gizzard and the Lizard Wizard, baina ez dituzu faltan botako.
[Erreportajea] Kalitatea, formatu txikian
Taldeak eta ordutegia
OBIC. Oscar Benas Instro Combo (13:00)
Oscar Benas Instro Combo
Kabbalah (16:00)
Kabbalah
Lobison (17:00)
Lobison
The Hanging Stars (20:00)
The Hanging Stars
Gizzard (22:00)
Gizzard
Erlazionatutako edukiaKalitatea formatu txikian
