Bigarrenez jarraian, bueltan da Harri-orri-ar azoka

Postuak, tailerrak, master class-ak eta beste hamaika ekitaldi antolatu dituzte eskulan azoka erraldoian. Eskulan zaleentzako bereziki bideratutako azoka izango da, baina denek izango dute gozatzeko aukera.

Imanol Saiz

Irun

2018/09/28

Iazko azokaren irudi bat.

Iazko arrakasta ikusirik, antolatzaileek ez dute zalantzarik izan. Aurten ere, eta bigarrenez jarraian, Harri-orri-ar azoka ekarri dute Irunera, Ficoba erakustazokara zehazki. Gaur zabalduko ditu ateak, eta igandera bitarte haurren txoko kuttunena bilakatuko da. “Eskulanak egiteko espiritua baldin baduzu eta gehiago jakin eta aparteko esperientzia bizi eta partekatu nahi baduzu, Harri-Orri-Ar da zure lekua”, adierazi dute antolatzaileek. Postuak, tailerrak, master class-ak eta beste hamaika ekitaldi antolatu dituzte eskulan azoka erraldoian. Eskulan zaleentzako bereziki bideratutako azoka izango da, baina denek izango dute gozatzeko aukera. Orotara, 100 jarduera baino gehiago antolatu dituzte, askotarikoak gainera. Aurten, berritasun bezala, influencer, blogari eta handmaker ugari gonbidatu dituzte. Azokak gaur zabalduko ditu ateak, 16:00etan. Sarrerak 4 euroan eskura daitezke, eta 8 urte azpikoek doako sarrera izango dute. Informazio gehiago, Harri-orri-ar azokaren webgunean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.