"Aktibatu" zaitez, badatorrela Euskaraldia

Entzun Euskaraldiaren abestia eta eman izena Ahobizi edo Belarriprest bezala.

Asier Perez-Karkamo

2018/09/24

Euskaraldiaren aldeko argazkia, Kai Zaharrean

Dagoeneko izena eman daiteke azaroaren 23tik abenduaren 3an Euskal Herri osoan egingo den Euskaraldia ekimenerako. Tokian tokiko hizkuntza ohiturak eraldatu nahi ditu eta, bistan denez, Hondarribian ezinbestekoa da hori erabilera datuak iraultzeko. Ahobiziak eta Belarriprestak izango dira Euskaraldiko protagonistak. Ahobiziek, ahal duten guztietan euskaraz egiteko konpromisoa hartuko dute. Belarriprestek, ulertzeko gai baina hitz egitea kosta egiten zaienek, euskaraz aritzeko gonbidapena egingo diete gainerakoei. Ahobizi ala belarriprest izan, hiru modu daude Hondarribian izena emateko: BAZ bulegoan (udaletxeko arkupeak), Euskara Udal Zerbitzuan (Pampinot kalea), eta euskaraldia.eus webgunean. Aurreneko bietan egiten duenak, Hondarribian euskaraz, Euskaraldia lelodun poltsa jasoko du opari. Arantxa Berrotaran Hondarribiko udaleko Euskara zinegotziaren hitzetan, “euskaltzaleak aktibatzea” da Euskaraldiaren asmoa: “Azken ikerketek diote euskararen ezagutza handitu dela, baina erabilera ez dela hein berean areagotu. Hori dela eta, Euskaraldiak 11 egun horietan 16 urtetik gorako herritarra Ahobizi eta Belarriprest izateko gonbita egiten dugu”. Hirigunean, bostetik batek Soziolinguistika Klusterrak 2016an egindako ikerketaren arabera, Hondarribiko euskaldun kopurua 9.524koa da (%60), baina horietatik bakarrik %24,6-k egiten du euskaraz. Hamarretik sei euskaldunak dira, baina lautik batek erabiltzen du. Adin taldeen arabera, haurren (2-14 urte) %41,6-k egiten du euskaraz, gazteen (15-24 urte) %11,3-k, helduen (25-64 urte) %20,1 eta adinekoen artean (65etik gora), %20. Auzoei dagokienez, gehien Amute-Kostan eta Akartegin egiten da (%31), eta Zimizargan %25. Euskara gutxien entzuten den auzoak Puntala eta Alde Zaharra (%20’9), eta Portua (%20’6) dira.

Entzun Euskaraldiaren ‘Hartu kontrola’ abestia

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

"Aktibatu" zaitez, badatorrela Euskaraldia

Entzun Euskaraldiaren ‘Hartu kontrola’ abestia

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak