Txingudiko pentsiodunek manifestazioa deitu dute astelehenerako

Orain arte egindako eskakizunei pentsiodunek jaso dituzten "erantzun ezak" manifestazioa deitzera bultzatu dituela adierazi dute mugimendutik.

Imanol Saiz

Irun

2018/09/19

Joan den otsailean egindako manifestazioaren irudia.

Asteleheneroko mobilizazioei jarraipena emateko asmoz, datorren astelehenean (hilak 24), manifestazioa egingo dute eskualdeko pentsiodunek, Txingudiko Pentsiodunen Mugimenduak deituta. 12:00etan ekingo diote mobilizazioari, San Juan plazatik. Ondoren, Colon pasealekua, Luis Mariano ingura eta Aldapeta kalea zeharkatuko dute manifestariek. Orain arte egindako eskakizunei pentsiodunek jaso dituzten “erantzun ezak” manifestazioa deitzera bultzatu dituela adierazi dute mugimendutik, eta ondorengo aldarrikapenekin zeharkatuko dute hiria:

Pentsioen blindajea.
Gure erosteko ahalmenaren urteroko KPI erreala ezagututa pentsioak legez bermatzea.
Duintasuna bermatzen dituzten pentsioak izatea. 1.080 euroren azpiko pentsiorik ez.
Jasangarritasun faktoreari ez. Pobreziaren faktorea deitu bejarko genukeena.
Emakume eta gizonen arteko pentsioen desberdintasunarekin amaitu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.