Kalamu zaleena izango da Ficoba asteburuan

Datorren ostiralean (hilak 14) zabalduko dute zazpigarren Expogrow azoka. Igandera bitarte, ehunka jarduera eskainiko dituzte.

Imanol Saiz Gomez de Segura

Irun

2018/09/11

Ostiralerako dena prest dut antolatzaileek.

Datorren ostiralean (hilak 14) emango diote hasiera kalamuaren inguruko Expogrow azoka erraldoiari eta igandera (hilak 16) bitarte luzatuko dute. Gaur egin dute aurkezpena, Ficoban, eta bertan azokak eskainiko dituen ekintzen berri eman dute Renovatio Fundazioko Joseba del Vallek eta azokako zuzendaritza kide Javier Gonzalez eta Fernando Novik. Aurtengo azokarako, 5.000 (4 pabiloitan) eta 7.000 metro koadroko eremuak (kanpoko aldean) egokitu dituzte. Bertan, munduko osoko 181 enpresek postua izango dute, kalamuaren inguruko milaka produkturekin (haziak, landatzeko produktuak, osagarriak, iluminazio tresnak, ongarriak…). Hala, ostiral goizean (10:00etatik 14:00etara), Business to Businees saioa egingo dute, eta horretarako, ehunka profesional akreditatu dituzte. Saio horietan, bisitariek kalamuaren mundua gertutik ezagutzeko aukera izango dute. Era berean, alegiazko errealitate saioak, Sensi Seeds Chill Out gunea, Cannabis Box Foruma edota Expogrow Kopa egingo dutela jakinarazi dute antolatzaileek. Musikak ere bere tartea izango du azokan. Ostiralerako, DJ saioak, El Canijo de Jerez edota Deluxe taldeen kontzertuak antolatu dituzte. Larunbatean berriz, Bombino edo Demi Portion igoko dira oholtza gainera, bertaratutakoen gozamenerako. Egun bateko sarrerak 15 euroan eskura daitezke; bi egunekoak 23 euroan eta hiru egunekoak 25 euroan. Igandean soilik sartzeko asmoa dutenek berriz, 12 euro ordaindu beharko dituzte. Informazio gehiago, Expogrow-ren webgunean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.