Iritsi da hilaren 6a

Hasiera ofiziala bihar egiten den arren, gaur dute hondarribiarrek jaietako lehen eguna. Haurren txupinazoarekin lehertuko da festa.

Asier Perez-Karkamo

Hondarribia

2018/09/06

Iazko Haurren Txupinazoko une bat. 11:00etan hasiko dira 2018ko jaiak

Iritsi dira 2018ko Hondarribiko Jaiak. Gaur botako dute Haurren Txupinazoa, sei egunetako festari hasiera emanez. Hilaren 6a, kuadrillen eguna; 8a, Alardearena; eta 10a, Arrantzale Eguna. Hiru horiek izaten dira jendetsuenak, hondarribiar gehien kalera ateratzen direnak. Baina besteak ez dira oso atzean geratzen: 7a, jaien hasiera ofizialarekin, haur eta helduen danborradekin, Salbea-rekin… 9a, Haurren Eguna, ekitaldi piloarekin eta, aurten, Kontxaren azken jardunaldiarekin bat egiten duelarik; eta 11a, Baserritar Eguna, egun osoko giro paregabearekin, eta suzko amaierarekin. Hasiera ofiziala bihar egiten den arren, gaur dute hondarribiarrek jaietako lehen eguna. Kuadrillen afariaren eguna da hilaren 6a eta pixkanaka-pixkanaka garrantzia hartuz joan da, eta badira ja urte batzuk egitarau ofizialean jaietako lehen egun bezala ageri dela. Gauean parranda egiteko eguna da hilaren 6a, baina dagoeneko ez da horretarako bakarrik. Goizean Alde Zaharrean sortzen den festa izugarri polita izaten da. Haurren Txupinazo koloretsuari Zezen Puzgarrien Entzierroak ematen dio segida, eta uholde bat haur elkartzen dira Hirigune Historikoko kaleetan. Arratsaldean, festa sakabanatzen da. Gipuzkoa Plazan Klinkek antolatutako margo lehiaketa (aurten 49.ez egingo dute), Kasino Zaharrean grafiti eta haur grafiti lehiaketak, Txosna gunean Gazte Xaiaren mus txapelketa, presoen aldeko brindisa gero… Eta gauean, urteko parranda esperatuenetako bat, esperatuena ez bada: kuadrillen afaria, gazte nahiz helduena. Pasa gabe ondo pasatzeko gau seinalatua da gaurkoa, kanpoan ikasten ari den lagun horrekin berriro afaltzekoa, ja elkarrekin egoteko beste aukerarik izaten ez dutenek elkartzekoa, urtero kontatzen diren kontu berberak berriro kontatzekoa… Bati baino gehiagori kosta egingo zaio Glaukomaren kontzertura garaiz iristea. Baina berandu iristen denarentzat ere izango da girorik, gaur hilaren 6a delako. Gozatu!

Hilaren 6ko egitaraua

Berritasun batekin hasiko dira festak

HITZAk esfortzu berezia egingo du datozen egunetan, hondarribiarrek jaietako ekitaldiez gain, horien argazkiez ere gozatzeko aukera eduki dezaten. Webgunean, Facebooken eta Twitterren, 2018ko Hondarribiko Jaietan gertatzen denaren berri emango du Hondarribiko HITZAk.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Iritsi da hilaren 6a

Hilaren 6ko egitaraua

Berritasun batekin hasiko dira festak

Gipuzkoa

Orio tentsio handiko eremu izendatzeko prozesua abiatzea onartu du Eusko Jaurlaritzak

Gizon bat hil da Anoetan, trenak harrapatuta

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak