[GALERIA] Indartsu itzuli da gaztetxoen jaietako txirrindulari proba

XII. ekitaldia izan da aurtengoa eta 28 parte hartzailek eman zuten izena, seik 7 urtetik beherakoetan, eta 11na 8-10 eta 11-14 mailetan.

Asier Perez-Karkamo

Hondarribia

2018/09/03

Lasterketaren aurretik errekonozimendu itzulia egin zuten txirrindulariek

Bi urteko hutsunearen ondoren, berriro egin zuten atzo Bidasoa ibilbideko bidegorrian 14 urtetik beherakoentzako Hondarribiko jaietako Gazte Txirrindulari Proba. XII. ekitaldia izan da aurtengoa eta 28 parte hartzailek eman zuten izena, seik 7 urtetik beherakoen mailan, 11k 8-10 urtekoetan, eta beste horrenbestek 11 eta 14 urte bitartekoetan. Txirrindulariek bi kilometroko ibilbidea osatu behar izan zuten, Ama Guadalupekoa eskolako atzealdetik arraun elkarteraino, eta handik buelta irteera puntura. Txikienak denak batera lehiatu ziren, beste bi mailetan, erlojuaren kontra borrokatu behar izan zuten txirrindulariek. Gazte batzuek antolatzen dute jaietako gazte txirrindulari proba eta nabarmendu beharrekoa da haien lana, muntaketa lanetik hasi eta lasterketaren zuzeneko kontakizuneraino.

Hondarribiko Jaiak 2018. Gazte Txirrindularitza txapelketa

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.