Chakib Lachgar eta Sandra Piera, maldan gora azkarrenak

Guadalupeko 42. Igoeran errenteriarra eta irundarra izan dira azkarrenak. Orotara 240 korrikalarik bukatu dute lasterketa.

Urko Etxebeste

Hondarribia

2018/09/01

Igoeraren irteerako irudia da honakoa.

Ia etxean gelditu dira Bidasoa Atletismo Taldeak gaur 42.enez antolatu duen Guadalupeko Igoerako bi sari nagusiak. Gizonetan Chakib Lachgar errenteriarrak irabazi du, eta emakumeetan Sandra Piera irundarrak. Hondarribian ez, baina ondoko herrietara joan dira irabazleen garaikur nagusiak. Gizonetan, Gerardo Amunarriz hondarribiarra laugarren izan da, etxekoen artean onena. Izan ere, asko izan dira lasterketa bukatu duten artean hondarribiarrak, eta irundarrak ere ez dira atzean gelditu: emakumeen bost onenen artetik, lau irundarrak izan dira. Orotara, 240 korrikalarik burutu dute 4,7 kilometroko proba, gaur, beroaren eragin zuzena izan duelarik.

Arratsaldean, nagusien probaren aurretik, gazteenek euren korrikaldiak egin dituzte. Sartu hemen horien irudi ikusgarriak ikusteko.

Gizonetan eta emakumeetan lehen bost sailkatuek jaso dituzte sariak. Honakoak izan dira: Gizonak

Chakib Lachgar (Errenteria-Orereta) 17:00
Raul Gomez Margallo (Lasarte-Oria) 17:33
Carles Montollor (Sabadell, Katalunia) 17:56
Gerardo Amunarriz (Hondarribia) 18:02
Ion Ruiz (Irun) 18:15

Emakumeak

Sandra Piera (Irun) 20:25
Ane Zabala (Irun) 21:11
Oiana Ortiz (Tolosa) 21:55
Irene Sanzberro (Irun) 22:07
Monica Telletxea (Irun) 22:07

Lotura honetan, sailkapen nagusia ikusteko aukera: Sailkapen nagusia. Astelehenean, HITZAn, lasterketako helmugaratzeen irudi galeria handia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.