Bikotekidea erasotzeagatik gizon bat atxilotu dute Irunen

Indarkeria matxista kasu berri bat eman da Irunen. Eusko Jaurlaritzako Segurtasun Sailak jakinarazi duenez, gizon bat atxilotu berri dute Irunen, bikotekidea erasotzea leporatuta.

Imanol Saiz Gomez de Segura

Irun

2018/07/10

Indarkeria matxista kasu berri bat eman da Irunen.

Indarkeria matxista kasu berri bat eman da Irunen. Eusko Jaurlaritzako Segurtasun Sailak jakinarazi duenez, gizon bat atxilotu berri dute Irunen, bikotekidea erasotzea leporatuta. Benta auzoko zerbitzugune batean gertatu zen erasoa, joan den igande gauean zehazki; gizonak laban batekin emakumea eskuan ebaki zuen. Ertzaintzak emakumea jaso eta Bidasoko ospitalera eraman zuen. Emakumeak salaketa jarri du Irungo polizia etxean, eta gaur goizean epailearen esku utzi dute erasotzailea. Elkarretaratzea Irungo Udalak erasoa gaitzetsi du. “Irungo Udalak irmoki gaitzetsi nahi ditu astearte honetan jakinarazi diren gertaerak, zeinek gizon bat atxilotzea ekarri baitute hiriko zerbitzugune batean bikotekideari eraso egiteagatik”. Udalbatzako talde politiko guztiek arbuiatu dute eraso matxista, eta erantzuna emateko asmoz, bihar elkarretaratzea deitu dute, 20:00etan, Zabaltza plazan. Udalbatzako talde politiko guztiek, ondorengoa nabarmendu nahi izan dute:

Indarkeria dakarren ekintza oro arbuiatzen eta gaitzesten dute; kasu honetan, emakumeen kontrako indarkeria.
Babesa eta elkartasuna ematen diote emakumeari, eta haren eskura jartzen dituzte Gizarte Zerbitzuek dituzten laguntza baliabide eta zerbitzu guztiak.
Gertatutakoa arbuiatzeko eta gaitzesteko elkarretaratzean parte hartzera animatzen dituzte herritarrak. Asteazken honetan izango da, uztailak 11, 20:00etan, Zabaltza plazan. Berdintasun Batzordean parte hartzen duten erakunde guztiek eta Batzordean parte hartzen ez duten baina emakumeen eta gizonen arteko berdintasunaren alde lan egiten duten erakundeek deituta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.