BAT-eko Ricardo Tevarrek klubeko errekorra hautsi du

Bidasoa Atletiko Taldeko kirolariak Sorian eta Getafen lehiatu dira pasa den asteburuan. Asteburuko albiste onena Ricardo Tevarrek eman du

Imanol Saiz Gomez de Segura

Irun

2018/07/10

Ricardo Tever. Argazkia: EL CARRER.

Bidasoa Atletiko Taldeko kirolariak Sorian eta Getafen lehiatu dira pasa den asteburuan. Asteburuko albiste onena Ricardo Tevarrek eman du, klubeko errekorra haustea lortu baitu Getafen jokatu duten Madrilgo Txapelketa Absolutuan. 14.79 segundotan zeharkatu du ibilbidea, klubeko markarik onena orain arte; Espainiako Txapelketa Absolutuan parte hartzeko minimoa da marka hori. Are gehiago. Finalean azkarrago aritu da (14.72), eta hala, Madrilgo txapelketan izango da. Era berean, 23 urte azpikoen Espainiako Txapelketa jokatu zuten joan den asteburuan Sorian. Bertan ere izan ziren Irungo Bidasoa Atletiko Taldeko zenbait kirolari; urteko txapelketa zailenetarikoa da, eta taldetik diotenez, minimoak lortzea, “arrakasta” da. Luis Aranzabal donostiarrak bederatzigarren postua eskuratu du pertika saltoan (4.26 metro gainditu ostean). Malen Martinezek berriz, 100 metro hesietan hamargarren postuan sailkatzea lortu du (14.71 segundoko iraupenarekin), orain arteko marka pertsonalik onena. Teresa Zaraguetak 400 metro modalitatean hartu du parte, eta 58.53ko denborarekin, 13. postua eskuratu du. Alex Ugenak, 110 metro hesietan, hamalaugarren sailkatu da (15.93). Atzerago, 18. postuan alegia, 51.06 segundotan zeharkatu ditu 400 metroak Ander Avila korrikalariak. Asteburuko albiste txarra Juan Errandoneak eman du, Soriara maila bikainean joan arren, lesio batek parte hartzeko aukera ukatu baitio.

BATeko kirolariak, Sorian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.