Barku txiki batek hondoa jo du Jaizkibelgo arroketan
Deia jaso eta gero, Gurutze Gorria eta Ertzaintzaren helikoptero bat atera dira erreskatea egitera, baina ez zen inor barkuan.
Bost metroko luzerako barku bat Jaizkibel itsas labarreko arroken kontra joan da gaur goizean. Larrialdi zerbitzuek deia jaso dute 11:30ak aldera, ontzi bat jitoan zebilela esanez. Hondarribiko Gurutzeko Gorriko Olearso erreskate ontzia eta Ertzaintzaren Zaintza eta Erreskate Unitateko helikoptero bat abiatu dira ingurura, urpekariekin.
Iritsi direnerako, barkua arroketan aurkitu dute hondoa jota, eta ez zen inor barruan. Ikuskatu eta gero, kaitik askatu dela ondorioztatu du Hondarribiko Gurutze Gorriak: “Bost metroko luzera eta Baionako folio zeukan barkuak. Portutik askatu egin da eta itsasoak eraman du arroketaraino”.
Iritsi direnerako hondoa jota zegoen barkua (arg: Hondarribiko Gurutze Gorria)
