Irabazi edo jaitsi, ez dago beste aukerarik

Larunbatean Aretxabaletari irabazi behar dio Hondarribiak, mailaz jaitsi nahi ez badu. Azken bost partidak galdu ditu taldeak.

Asier Perez-Karkamo

Hondarribia

2018/05/23

Azken bost partidak galdu ditu Hondarribia FEk, eta garaipena behar du

‘Urolak Touringi irabaziko dio, baita guk Aretxabaletari ere’. Hori sinetsita irtengo dira larunbatean Hondartzako berdegunera Hondarribia FEko lehen taldeko jokalariak. Azken jardunaldian erabakiko da zein den Preferentera jaisten den hirugarren taldea —Touringek eta Vasconiak dagoeneko maila galduta dute—, eta bi hautagai daude, Urola eta Hondarribia. Biek larunbatean eta ordu berean jokatuko dute, 17:30etik aurrera. Zumarraga-Urretxukoek bi puntu gutxiago dituzte sailkapenean. Kanpoan jokatuko duten arren, ligan 3 puntu bakarrik lortu dituen Touringen kontra egingo dute. Inork ez du zalantzan jartzen Fanderian jokoan izango diren hiru puntuak Urolarentzat izango direla. Berdinketak Hondarribiari egingo lioke mesede, averagea alde duelako. Baina berdinketaren bila joatea suarekin jokatze bezalakoa litzateke. Horregatik, irabazi edo jaitsi, beste aukerarik ez du Hondarribia FEk. Alde du, etxean jokatuko duela, zaleen bultzada izango duela —klubak deialdi berezia egin du—, eta UDAk postu bat gora edo behera, besterik ez duela jokoan —9. postuan daude atxabaltarrak—. Eta kontra, zazpi jardunaldi daramatzala irabazi gabe eta azken bost partidak galdu dituela.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Irabazi edo jaitsi, ez dago beste aukerarik

Gipuzkoa

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik