Kaleak garbitzeko bi makina berri izango ditu Bidasoak

Espaloiak zarata txikiagorekin (%30 gutxiago zehazki) garbitzeko eta atmosferara CO2-rik ez bidaltzeko baliagarriak izango dira gailu elektriko berriak.

Imanol Saiz

Hondarribia,Irun

2018/05/21

Leira Zubitur (Txinzer), Jose Antonio Santano (Irun) eta Txomin Sagarzazu (Hondarribia) alkateak.

Irun eta Hondarribiko kaleak garbitzeko gailu elektriko berriak jarriko dituzte martxan. Txinzer-etik (Txingudiko Zerbitzuak) jakinarazi dutenez, kaleak garbitzeko bi makina berri dira, eta datozen egunetan erabiltzen hasiko dira. Espaloiak zarata txikiagorekin (%30 gutxiago zehazki) garbitzeko eta atmosferara CO2-rik ez bidaltzeko baliagarriak izango dira gailu elektriko berriak. Gainera, olio hidraulikoaren jariorik zein isuririk ez duela izango nabarmendu dute Irun zein Hondarribiko udaletik. Makina berriek litiozko bateriekin funtzionatzen dute, zazpi ordu behar dituzte erabat kargatzeko eta zortzi-bederatzi ordu bitarteko autonomia dute. 148.356 euroko kostua du makina bakoitzak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.