Zaporeak egitasmoa laguntzeko afaria, Naroa kafetegian

Zaporeak egitasmoko kideek Grezian dauden errefuxiatuei jaten ematen jarraitu nahi dute, eta laguntza behar dute. Ostiralerako Irunen afaria antolatu dute.

Urko Etxebeste Petrirena

Hondarribia,Irun

2018/05/16

Zaporeak-en Bidasoko boluntario taldea.

Zaporeak egitasmoak Grezian dauden errefuxiatuekin lanean jarraitzen du. Egun, 800 errefuxiaturi jaten ematen die Atenasko Victoria Social Center gunean. Horrekin aurrera jarraitzeko laguntza behar du Zaporeak-ek, hori horrela, laguntza behar du egitasmoak aurrera egiteko, eta ahalik eta errefuxiatu gehienei jaten emateko. Hortaz, Irungo Naroa kafetegian (Iparralde hiribidea, 5) afaria antolatu dute, 21:30ean. 26 euroko prezioa dute tiketek. Bidasoan Zaporeak-ek duen boluntario taldeak antolatu du elkartasunarekin zita. Naroan bertan eros daitezke afarirako txartelak. Ane Rekondok eta Borja Vaquerizok prestatu dute ostiralean Naroan jan ahal izango den menua: ahate eta fruitu lehor entsalada epela, bakailaoa ziazerba kremarekin, txerri masail gisatua, eta postrerako esne gainez betetako petit-chouxak txokolate saldarekin. Izugarri goxoa. Jaki horiek egiteko lehengaiak elkartasun keinu bidez lortu dituzte, hainbat jaki hornitzailek bat egin dutelako egitasmoarekin: Irustak bakailaoa eman die, Kutixak ahatea, Otorduk masailak, Sein Izarrek ardoa, eta Keler etxeak garagardoa. Egitasko zehatz honetaz gain, beste asko jarri ditu abian Bidasoko Zaporeak-en boluntario taldeak, Horen artean elkartasun bonoa dago.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.