Musika eskola ezagutzeko aukera izango da hilaren 23an
Ate irekietako jardunaldia antolatu dute, hilaren 28tik ekainaren 8ra irekiko duten matrikulatzeko epeari begira.
Hilaren 23an, asteazkena, Hondarribiko Musika eta Dantza Eskolako ateak irekiko dituzte, hezkuntza zentroaren azpiegiturak eta funtzionatzeko modua ezagutu nahi dutenei begira.
18:00etatik 19:00etara, hainbat diziplina eta jardueretan trebatzeko aukera izango dela jakinarazi du musika eskolak: “Musika Heziketa Goiztiarra, Musika Hizkuntza (4-6 urte), instrumentu eskolak –trikitia, akordeoia, gitarra, perkusioa, txistua, pianoa, biolina, biolontxeloa, flauta, klarinetea, saxofoia, tronpeta eta tronboia–, eta Dantza klasikoa eta Euskal Dantza egiteko aukera eskainiko da”.
Hilaren 23ko ate irekietako jardunaldira hurbildu nahi dutenek, astelehena 21 baino lehen eman behar dute izena, idazkaritzan. Hilaren 28an abiatuko dute 2018-2019 ikasturterako ikasle berriak matrikulatzeko epea, eta horren aurretik egingo dute ate irekietako jardunaldia.
Musika eskolako dantza klasikoko ikasleak
