Boluntarioek, lankidetza proiektu bat aukeratu eta horren garapenean lan egin beharko dute, hilabete edo gehiagoz.
Boluntarioek GGKE baten proiektuaren garapenean hartu behar dute parte
Hondarribiko Udalak gazte lankide boluntarioei zuzendutako beka deialdia deitu du. Hondarribian jaio edo eskaera egin aurreko bost urteetan bertan erroldatuak egon diren 18-35 urte bitarteko gazteek hartu ahal izango dute parte. Bekaren kopurua gastuen araberakoa izango da, 1.500 eurokoa gehienez. Maiatzaren 14a baino lehen eman behar da izena.
Arantxa Berrotaran Gizarte Zerbitzuetako zinegotziak azaldu du programaren xedea: “Hondarribiar gazteengan sentsibilizazioa piztea da. Hain zuzen ere garapen bidean dauden herrialdeei garatzen laguntzeko, eta aldi berean gazteengan herrialde eta kultura ezberdinen arteko elkartasun kultura sustatzeko”.
Boluntarioek, lankidetza proiektu bat aukeratu eta horren garapenean lan egin beharko dute, hilabete edo gehiagoz: “Zuzenean parte hartuko dute garapenerako borondatezko lankidetzan, garapenerako gobernuz kanpoko erakunde bat dela medio, eta bertatik bertara ezagutuko dute gutxienez hilabete betez ekintza horien garapena”, erantsi du Berrotaranek.
Informazio gehiago behar duenak,
udal webgunean aurkituko du.