Irungo kaleetan barrena, Kataluniaren alde

Atzo, "preso politikoen askatasuna" eskatu zuten Kataluniaren aldeko manifestazioan parte hartu zuten irundarrek.

2018/04/16

12:00etan abiatu zen manifestazioa San Juan plazatik.

Atzo, Irungo Kataluniaren aldeko talde herritarrak egindako deialdiari hamarka irundarrek erantzun zioten. ‘Kataluniaren alde’ lelopean abiatu ziren eguerdian San Juan plazatik, Irungo kale esanguratsuenak zeharkatzeko. Atzo, sei hilabete bete ziren Jordi Sanchez eta Jordi Cuixart ekintzaileak kartzelan sartu zituztenetik.

Atzoko manifestazioaren irudia.

Politikariei babes guztia adierazi zioten manifestazio guztian zehar, eta “preso politikoen askatasuna” eskatzeaz gain, Espainiako Estatuari “estrategia errepresiboa gelditzea” exijitu zioten. Horrez gain, “politika egiteko eskubidea” defendatu zuten. “Euskal zein katalan herriek burujabe izateko duten eskubidea aldarrikatzen dugu eta beraz, haien etorkizunaren jabe izateko eskubidea”, adierazi zuten antolatzaileek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.