Euskaraldia antolatzeko lehen bilera, "arrakastatsua"

Joan den larunbatean (hilak 14) berrogei lagun inguru elkartu ziren Palmera Monteron, azaroko Euskaraldia prestatzen hasteko.

Imanol Saiz Gomez de Segura

Irun

2018/04/16

Adin guztietako herritarrak gerturatu ziren lehen bilerara.

Joan den larunbatean (hilak 14), Aitzondo Irungo Euskara Taldeak Euskaraldia antolatzeko lehen bilera irekia egin zuen. Palmera Montero Guneko bigarren aretoan jendetza elkartu zen, hamaika egunez euskaraz bizitzeko dinamika definitzen hasteko. Herritarrek ekarpen egin dituztela jakinarazi dute taldetik, eta eztabaidarako tartea ere utzi zutela joan den larunbatean. Herritarrek Aitzondo taldearen sorrera “ilusioz” ikusi dutela argitu dute taldetik. Antolatzaileen esanetan “arrakastatsua” izan da lehen bilera hori (40 bat lagun elkartu ziren). Antolatzaileek esplikatu bezala, bi modutara izango dute herritarrek aukera Euskaraldian parte hartzeko: Ahobizi ala Belarriprest gisa. Ahobiziek ahal duten guztietan euskaraz egiteko konpromisoa hartuko duten horiek izango dira; Belarriprest-ak berriz, euskaraz egin ez arren, mintzakideari erdaraz ez egiteko prest egongo diren horiek. Hurrengo deialdiari adi egoteko deialdia luzatu dute Aitzondoko kideek, lanean hasteko batzordea lehenbailehen eratu nahi baitute. Joan den astean HITZAk Aitzondo euskara taldearen inguruko erreportajea egin zuen. Irakurri hemen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.